Zumaia k ezin izan du aurrera egin Gipuzkoako Herriarteko Pilota Txapelketa n. Bost partida jokatu zituzten asteburuan, hiru gomazko paletan eta bi erremintan, eta porrot egin zuten denetan. Ondorioz, erremintako lehiaketatik kanpo geratu da talde zumaiarra, eta zail du gomazko paletako txapelketan ere aurrera egitea.

Oiartzun en jokatu zituzten igandean erremintako itzulerako bi partidak. Joandiko jardunaldian bezala, biak galdu zituzten zumaiarrek. Lehen neurketan, Carballo k eta Ostolaza k 35-21 galdu zuten Oiartzungo Flores en eta Pichelen aurka. Bigarren partidan, berriz, 40-33ko emaitzarekin nagusitu ziren Azpirozen eta Irigoyenen aurka. Horrenbestez, Zumaia final zortzirenetan gelditu da kanpoan.

Gomazko paletan ere, Soraluzeren aurka jokatutako hiru partidak galdu zituzten. Igande honetan jokatuko dituzte Aitzuri pilotalekuan itzulerako partidak, eta zumaiarrek lan handia egin beharko dute final laurdenetara sailkatu nahi badute. Ez dirudi erraza izango den joaneko emaitzak iraultzea, Soraluze nagusitasunez aritu baitzen eta alde handiz irabazi baitzituen joaneko partidak.

Joandiko partidetan emaitzak honakoak izan ziren: 20-3 galdu zuen Beristainek Gallastegiren kontra; 20-8 galdu zuten Cabaleirok eta Carballok Soraluzeko Gisasola eta Gasconen aurka; eta 20-1 galdu zuen Beristainek Atxotegiren kontra.