Zumaia Cuban Boxing klubak antolatuta, boxeo jaialdi hau Zumaia ko Aitzuri frontoian izango da ekainaren 13an, arratsaldeko 19:00etan. Ekitaldiak guztira zortzi borrokaldi izango ditu.

Klub zumaiarrak sei boxeolari izango ditu ordezkatuta, tartean bertako Iñaki Lope eta Iker Fernández. Lope 70 kiloko kategorian lehiatuko da, eta Fernándezek junior mailan debutatuko du 59 kilotan. Gainera, Gipuzkoako eta Euskadiko 2026ko txapeldun den Jesús Magnevy (60 kg) eta Unai Anacabe eta Xuban Aburuza (biak kategoria elitean) ere arituko dira. "Gure boxeolarientzat bost borrokaldi itxi ditugu eta seigarrena espero dugu laster ixtea", adierazi du Rubén Arredondo klubaren arduradunak eta ekitaldiaren antolatzaileak.

Zumaia Cuban Boxing eko ordezkariez gain, beste bost klubetako boxeolariak izango dira jaialdian: Anoeta Club Boxeo, Escuela Alavesa de Boxeo, Club Riverboxandroll, Club Irún eta Club Sorabox.

Aurretiazko sarrerak maiatzaren 25ean, astelehenean, jarriko dira salgai kiroldegian, 15 euroko prezioan. Jaialdiaren egun berean ere erosi ahal izango dira Aitzuri frontoiko leihatilan, 20 euroren truke.