Laguntza hauek bi arlotan banatzen dira: alde batetik, kultura jarduerak eta programak; eta bestetik, sormen kulturaleko proiektuak, hala nola ikus-entzunezkoak, arte plastikoak, musika edo dantza.

Zarautz en egoitza duten eta dagozkion erregistroetan inskribatuta dauden irabazi-asmorik gabeko elkarte kultural edo sozialek eskatu ahal izango dituzte dirulaguntzak, baldin eta dagokion IFK badute eta beren jarduera nagusiki Zarautz udalerrian garatzen badute.

Sormen kulturaleko proiektuetarako dirulaguntzak 31 urte betetako pertsona fisiko edo juridikoek eskatu ahal izango dituzte. Taldean aurkezten bada, kideen hiru laurdenak baldintza hori bete beharko dute. Proiektu berriak sustatzeko, ezin izango dira diruz lagundu iaz jada diruz lagundutako proiektu edo jarduera berberak; proiektu berriek edo aurrekoen garapenak bakarrik optatu dezakete laguntzetara.

Eskaerak Udal aren zerbitzu telematikoen bidez egin beharko dira, eta proposamenak aurkezteko azken eguna ekainaren 12a izango da. Laguntza hauen inguruko informazio zehatza udal webgunean kontsulta daiteke, eta zalantzak argitzeko Kultura Sailarekin harremanetan jarri behar da (943.005120 / kultura@zarautz.eus).