Abuztuan zehar, Zarautz eko pilotazaleek aukera izango dute pilotari profesionalak zuzenean Aritzbatalde pilotalekuan ikusteko. Horrez gain, sarrerarik ordaindu gabe afizionatuen partidak ere ikusgai izango dira Frontoi Txikian.
Masters CaixaBank txapelketa bi jardunaldirekin iritsiko da herrira. Lehen jardunaldia gaur, abuztuaren 16an, izango da, eta bigarrena, berriz, abuztuaren 23an. Bi jardunaldi hauek Aritzbatalde pilotalekuan izango dira, arratsaldeko 17:15ean hasita.
Lehen partidan, Masters CaixaBank Serie B-ko Salaberria eta Morgaetxebarria bikoteak Zubizarreta IV eta Bikuña bikotearen aurka jokatuko dute. Ondoren, Masters CaixaBank Serie A-ko lau pilotari profesionalak aterako dira kantxara: Artola eta Rezusta bikoteak, Laso eta Martija bikotearen aurka arituko dira. Sarrerak 40 euroan daude salgai kantxan eta 30 eurotan errotondan.
Datorren asteko jardunaldian, abuztuaren 23an, ere 17:15ean hasiko da jaialdia. Lehen partida Masters CaixaBank Serie B-koa izango da, Amiano eta Gabirondo bikotearen eta Zubizarreta IV eta Bikuña bikotearen artean. Ondoren, Masters CaixaBank Serie A-ko partida erakargarria izango da, non Altuna III eta Laso aurrez aurre arituko diren. Jokinek Imaz izango du bizkarrean eta Martija nafarrak.
Bestalde, Zaporra Memoriala txapelketak bere azken urratsak emango ditu aste honetan Frontoi Txikian. Jubenil mailan, Etxaniz eta Errasti nagusitu ziren Gaztañaga eta Beroz en aurka (22-11). Senior mailan, Eskudero eta Urruzola izan ziren garaile Aranbarri eta Juaristi ren aurka (22-15). Horrela, datorren ostiraleko finalean jokatuko dute Etxaniz-Errasti jubeniletan eta Eskudero-Urruzola seniorretan.
Finalerdiak asteazken honetan jokatuko dira, abuztuaren 19an, 18:30ean hasita. Jubeniletan, Bidezabal eta Galarraga bikoteak Zufiria eta Alejo bikotearen aurka jokatuko dute. Senior mailan, berriz, Orbegozo eta Sasiain bikoteak Bidezabal eta Gorostidi bikotearen aurka arituko dira.
