Urrestillan, Azpeitia ko auzoan, San Joan jaiak ospatuko dira ekainaren 13tik 26ra. Jaiak hasi aurretik, asteburu honetan bertan izango dira lehen ekitaldiak: larunbatean, San Joan herri krosa jokatuko da, eta igandean, berriz, Jubilatuen Eguna ospatuko da. Jubilatuen Egunaren barruan, meza bat izango da 12:00etan, eta ondoren, Sahatsa dantza taldearen 50. urteurreneko emanaldia. Egunean zehar hamaiketakoa, bazkaria eta bingoa ere izango dira.

Asteburu honen ostean, ekitaldiak ekainaren 19an, ostiralean, jarraituko dute. Egun horretan, Benta Zaharreko Mutiko Alaiak taldearen emanaldia izango da, baita aspaldian berreskuratu duten pilota jaialdia ere, Txikuri pilotalekuan. Ekainaren 20an, larunbatean, herri kirolak eta kontzertuak izango dira, eta ekainaren 22an, astelehenean, Gukak umeentzako txokoa antolatuko du 17:30ean.

San Joan bezperan, ekainaren 23an, asteartez, festei hasiera ofiziala emango zaie lizarra sartzearekin, 00:00etan. Aurreko egunean, herri afaria izango da eta gauerdian, San Joan sua piztu eta erromeria izango da Laket taldearekin. Ekainaren 24an, San Joan egunean, trikitilari gazteen kalejira, buruhandiak, erraldoiak eta Azpeitiko Udal Musika Bandaren emanaldia izango dira, besteak beste. Eguerdiko meza nagusiaren ondoren, arratsaldean kontzertuak izango dira.

Ekainaren 25ean, San Joan Txiki Eguna ospatuko da sagardoarekin, mus txapelketarekin eta haurrentzako puzgarriekin. Azkenik, ekainaren 26an, ostiralean, umeentzako jolasak, patata tortilla lehiaketa eta zuhaitzaren entierroarekin amaituko dira jaiak.

Jai egunetan zehar, Azpeitia tik Urrestillara joan nahi dutenentzat autobus zerbitzu bereziak jarri dira martxan. Ekainaren 20an, 23an eta 24an izango dira irteerak eta itzulerak, ordutegi zehatzekin.