Azpeitia ko Urbitarte auzoko haurrentzako parkea erabat berrituko dute laster. Hain zuzen ere, udalak egungo parkea kendu eta jolas elementu berriak instalatuko ditu: kulunka mota berri bat, jauzi-jolasak eta txirristadun egitura bat. Urbitarte ko jolasguneak 80 metro koadroko azalera du. Lanen esleipena Garra enpresari egin zaio eta dagoeneko martxan dira. Parke zaharra desmuntatu ahal izateko, gunea hesitu egingo da eta datozen egunetan hiru aparkaleku ez egongo dira erabilgarri (edukiontzien ondoan daudenak).

Garmendi ko parkea, amaituta. Haurrentzako parkeak funtsezkoak dira haurren garapenerako, jolasak, mugimendua eta harreman sozialak sustatzen laguntzen baitute. Azpeitia n adin tarte ezberdinetara egokitutako parke ugari daude. Urbitarte ko lanak hasi aurretik, Garmendi auzoko parkea amaitu da, eta dagoeneko erabilgarri dago.

Etorkizunari begira, udalak asmoa du jolas elementuak instalatzeko igerilekuaren aurrean eraikitako estalki berrian. Gainera, etengabe lanean jarraitzen du gainerako parkeen mantentze-lanekin, adierazi dutenez.