Kulturaz kooperatibak eta Txinparta filosofia elkarteak elkarlanean antolatutako Pote Filosofikoak egitasmoaren hirugarren hitzordua izan zen atzokoa, Sanagustin kulturgunean. Bertaratutakoek umorearen inguruko hausnarketak partekatu zituzten, pote baten bueltan eta lagunarteko giroan.

Maddi Nazabalek gidatutako saioan, umoreak sortzen dituen gai korapilotsuak eta galderak jorratu zituzten. Besteak beste, honakoak izan ziren hizpide: "Txiste guztiak al dira barregarriak?", "Posible al da inor mindu gabeko umorerik?", "Modu berean baloratu behar al dira goitik beherako edo behetik gorako umorea?" eta "Publiko moduan ba al dugu erantzukizunik umorearen aurrean?"

Saioak eguneroko bizipenetatik abiatuta sortzen diren hausnarketak bultzatu zituen, umorearen alderdi desberdinak ulertzeko eta aztertzeko aukera emanez.