Rock eta pop-rockaren historian erreferente diren taldeetako bat da Seguridad Social. 1982 an sortu zuen José Manuel Casáñ ek Benetúser ren (Valentzia), eta nabarmentzekoa da taldearen musika-ibilbidearen bilakaera eta eszenatokian erakusten duten energia.
Arrakasta ugari dituzte, hala nola 'Chiquilla', rock eta rumba uztartu zituen bertsio aitzindaria eta klasiko bilakatu dena; 'Quiero tener tu presencia', Espainian eta Latinoamerikan gailentzeko balio izan ziena; 'Comerranas', punk/ska garaiko lehen klasikoa; 'Un beso y una flor', Nino Bravoren abesti ezagunaren rock latino bertsioa; edo 'Acuarela', Toquinhoren klasikoaren egokitzapen bat.
Aste Nagusiko kontzertuak oso biziak izan dira orain arte. Astelehenean Gazte Gaua izan zen, asteartean Neomak eta atzo gauean Janus Lester. Seguridad Socialen kontzertuaren ondoren, Puro Relajo taldeak joko du bihar, ostiralean, eta Leire Martínezek larunbatean. Kontzertu guztiak doakoak dira.
