Erakusketaren irekiera ofiziala asteartean izango da, eguerdiko 12:00etan. Nagusiki, argazkiz osatuta dago, baina bisitariek Palestinako egungo errealitatea gertutik senti dezaten, hango egoera irudikatzen duten hainbat elementu ere jarriko dituzte Orioko Kultur Etxean.
Gainera, informazioa osatzeko, egunero arratsaldez Palestinako egoerari buruzko film bat proiektatuko da aretoan. Erakusketa apirilaren amaierara arte egongo da zabalik.
Ordutegiei dagokienez, goizez 11:00etatik 13:00etara egongo da irekita, ikastetxeetako ikasleentzat bideratutako saioekin. Arratsaldez, berriz, 17:30etik 19:30era irekiko dute, herritar guztientzat. Asteburuan erakusketa itxita egongo da.
“"Palestinaren egoerak oso latza izaten jarraitzen du gaur egun ere."
Hori dela eta, elkarteko kideek herritar guztiei dei egin diete Kultur Etxera hurbil daitezen, palestinarrekiko elkartasuna adierazteko eta gertatzen ari denaren inguruan hausnarketa sakona egiteko.
