Orio herrian, Palestina Orio elkarteak erakusketa bat antolatu du, «Genozidioa gelditu! Palestina askatu!» lelopean, Palestinako egoera gogora ekartzeko eta herritarren kontzientzia pizteko. Erakusketa Kultur Etxeko aretoan irekiko da apirilaren 21ean, eta hilaren 30era arte egongo da ikusgai.
Erakusketak argazkiak eta Palestinan bizi den egoera irudikatzen duten hainbat elementu biltzen ditu, bisitariek «hango errealitatea gertutik ezagutzeko aukera» izan dezaten. Gainera, Palestinako egoerari buruzko film bat proiektatuko da egunero arratsaldez, aretoan bertan.
Erakusketa goizetan ikastetxeetako ikasleentzat zabalduko da, 11:00etatik 13:00etara, eta arratsaldez, 17:30etik 19:30era, herritar guztientzat. Asteburuan, ordea, itxita egongo da.
“"Palestinaren egoerak oso latza izaten jarraitzen du."
Palestina Orio elkarteko kideek herritarrei dei egin diete erakusketara hurbil daitezen, «palestinarrekiko elkartasuna adierazi eta gertatzen ari denaren inguruan hausnartzeko».
