Lanak pasabidearen eta Kofradiaren arteko zatian egingo dira, eta Moyua enpresak gauzatuko ditu. Proiektuaren helburu nagusiak hiru dira: kaiaren egonkortasuna hobetzea, itsas mailaren igoerari aurre egiteko azpiegitura egokitzea (50 zentimetro igoz), eta portu-eremuaren funtzionaltasuna handitzea.

Garrantzi handiko gunea da udalerriarentzat, baxurako arrantza-flotaren jarduera eta oinezko askoren eguneroko erabilera uztartzen baititu.

Orioko Udalak aurreikusten duenez, obrek sei eta zortzi hilabete arteko iraupena izango dute, eta faseka egingo dira. Horrek trafikoan eragin desberdinak izango ditu.

Kamioi-trafikoa handitzea espero da, beraz, Txanka hondartzatik sartzea gomendatzen da udalerriko erdiguneko zirkulazioa arintzeko. Orioko Udalak unean-unean jakinaraziko du lanen bilakaeraren eta izan ditzaketen eraginen berri.