Auzotarrak San Kristobal jaietan murgildu dira asteburuan Narrondo auzoan, Zumaia n. Festa batzordeak publiko guztiari zuzendutako ekitaldiak antolatu ditu, eta jendearen erantzuna ere oso ona izan da.
Askotariko ekitaldiak izan dira auzoan. Horien artean, estreinako bizikleta-poteoa egin dute bidegorri berrian, auzoko parte bihurtuz estreinatu berri den zatia. Xapotxin pailazoak ere plaza bete zuen, eta herri kirolak, afariak eta beste hainbat ekitaldi ere antolatu dira.
Larunbatean, esaterako, mus- eta eskoba-txapelketak egin zituzten. Rosario eta Karmele izan ziren txapeldunak eskoban, eta Jose Miguel eta Rubio, berriz, musean.
