Bankoa ABANCA, CaixaBank, Euskadiko Ekonomialarien Elkargoa, Eusko Jaurlaritza, Euskal Finantza Institutua, Kutxabank, LABORAL Kutxa eta Rural Kutxa erakundeek antolatutako ziklo honetan, etxebizitzaren egoeraren inguruko hausnarketa egin da.
Jardunaldian parte hartu dute Julen Bollain Urbieta, Mondragon Unibertsitateko ekonomialari, irakasle eta ikertzaileak; Ana Telleria Echeverria, Eusko Jaurlaritzako Auzoen Birgaitze eta Hiri Agendaren zuzendariak; eta Pedro Ayestaran, Inmobiliaria Orioko zuzendariak eta ASCONGIko Zuzendaritza Batzordeko kideak.
Adituek bat etorri dira etxebizitzaren arazoak faktore anitz dituela eta horri aurre egiteko errealitate soziala eta lurralde bakoitzaren berezitasunak kontuan hartu behar direla.
Julen Bollaín ek azpimarratu duenez, etxebizitza eskuratzearen zailtasunak zuzenean eragiten die gazteen emantzipazioari zein ekonomiari oro har. "Gaur egungo alokairuek edo hipotekenek errenta erabilgarria murrizten dute, kontsumoa, aurrezkia eta etorkizuneko proiektuak baldintzatuz. Azkenean, etxebizitza ez da bizitzeko leku bat bakarrik, baita gazteek beren familia proiektuak, lan erabakiak eta autonomia pertsonala garatzen dituzten oinarri materiala ere", adierazi du.
Pedro Ayestaran ek, bere aldetik, adierazi du merkatuaren egoera ez dela homogeneoa Euskadin eta zailtasunak bereziki handiak direla hiriburuetan eta kostaldeko udalerrietan, non eskaria kontzentratzen den gehien. "Etxebizitzaren eskaria handitu egin da, eta eskaintza motelago hazten da, egoera horrek prezioak igotzen dituelarik tentsio handieneko guneetan", esan du.
Ana Telleria k, berriz, adierazi du administrazioak tresna ezberdinekin lan egiten duela erronka honi erantzuteko: "Tresna kutxa baten aurrean gaude, eta ditugun guztiak erabili behar ditugu. Berdin da garrantzitsua industria lurzorua berreskuratzea etxebizitza berriak eraikitzeko, edo gure auzoak birgaitzea eta irisgarriago egitea, jendeak bere bizitzako etxea eta auzoa utzi behar ez dezan".
Mahai-inguru formatuan egin da eztabaida, gaia ikuspegi ezberdinetatik sustatzeko helburuarekin, eta Nerea Reparaz kazetariak gidatu du. Amaieran, hamaiketako txiki bat eskaini da, parte-hartzaileen artean iritziak trukatzeko eta sarea sendotzeko aukera emanez.
ETEKINen hurrengo topaketa urriaren 14an izango da Bilbon, eta euro digitalaren inguruan hausnartuko da.
