Uztailerako antolatu diren jarduerak bi txandatan banatuko dira, eta taldea osatzeko gutxieneko izen-emate kopurua bete beharko da. Udako eskaintza zehatza Orioko Udalaren webgunean kontsultatu daiteke.

Haurrentzako jardueren izen-ematea apirilean ireki zen arren, oraindik plaza libreak dituzten ikastaroetan izena emateko aukera dago. Besteak beste, igeriketa, padela eta Uda Sasoian ikastaroetan parte hartu ahal izango da, zehaztutako egun eta orduetan.

Helduentzako eskaintzan, berriz, sei jarduera izango dira aukeran: Total Training, Pilates, Aerobik, Cycling, Padel eta Total Body. Jarduera hauek goizeko nahiz arratsaldeko ordutegietan eskainiko dira, eta uztailaren lehen edo bigarren hamabostaldian hasiko dira.

Helduentzako ikastaroen prezioa 27 eurokoa izango da kiroldegiko abonatuentzat, eta 49 eurokoa, abonatuak ez direnentzat. Interesdunek Karela kiroldegiko harrerara jo dezakete izena ematera, baita 843-60 00 05 telefono zenbakira deitu edo karela.harrera@equiponeo.com helbidera idatzi ere.