Eguraldi aldakorrarekin, baina giro bikainean, ospatu dira larunbatean Zarauzko hondartzan 81. edizioko Hondartza Futbol Txapelketako finalak. Guztira hamaika final jokatu dira, sei Eskola Kirola mailan eta bost senior mailan.

Partida gehienetan emozio handia izan da, eta hainbat kasutan txapelduna penaltien bidez erabaki behar izan da, berdintasun handia nabarmenduz.

Senior gizonezkoetan, Telesforo Erretegia izan da txapeldun, Celso Castro garaitu ostean, hamaika metroetatik, partida berdinketarekin amaitu ondoren. Emakumezkoetan, Itxaso Taberna eta Orbela taldeen arteko Liga amaierako partida ere penaltien bidez erabaki da, bi taldeak bina goleko berdinketarekin amaitu baitute neurketa.

Hona hemen emaitza guztiak:

Eskola Kirola LH 5 mutilak: La Salle 5M 1 - Iturzaeta 5M 3
Eskola Kirola LH 5 mistoa: SM 52 3 - SM 53 5
Eskola Kirola LH 5 neskak: La Salle 5MN 1 - Iturzaeta 5N 1
Eskola Kirola LH 6 mutilak: La Salle 6AM 6 - Iturzaeta 6M 2
LH 6 mistoa: Zaragueta 61 1 - SM64 5
Eskola Kirola LH 6 neskak: La Salle 6BN 2 - La Salle 6AN 2

Senior neskak Kopa XXI. Emilio Olazabal: Shelter Pukas 1 - Kirkilla Enea Jatetxea 1
Senior neskak Liga VI. Maria Jauregi: Orbela 2 - Itxaso Taberna 2
Senior mutilak Liga LXXXI. Paco Urquia: Telesforo Erretegia 1 - Celso Castro 1
Senior mutilak Kopa XXXI. Juan Irigaray: Ulacia Bidaiak 3 - Izar Optika 2
Senior mutilak Kopa Mollarri: Euskalmader Acuchillados 1 - Iuri Aholkularitza 4

(Talde hauek irabazi dute penaltien bidez).