Prozesu honen helburua da enpresa bakoitzaren pertsonen kudeaketako behar erreal batetik abiatu, proiektu zehatz bat definitu eta praktikara eramatea. Komunikazioa, zuzendaritza taldeen inplikazioa, pertsonen plangintza edota lan egiteko moduak dira prozesuan landuko diren gaietako batzuk.
Beharretik ekintzara igarotzeko, erakunde bakoitzak bere pertsonen kudeaketako erronka identifikatu eta forma eman dio. Banakako orientazio-saioetan, erakunde bakoitzak landu nahi duen behar edo erronka zehaztu du, eta proiektua definitu du, zehaztasuna eta eraginkortasuna bilatuz.
Lehen saio kolektiboan, proiektu bakoitzaren fokua, helburuak eta lehen urratsak landu dira, enpresan garapenean sakondu eta aplikatuz esperimentatzeko. Lau hilabete inguruan, proiektuak enpresan garatuko dira, banakako aholkularitza-saioen laguntzarekin eta egindako aurrerapenak kontrastatuz.
Amaierako saioan, emaitzak, ikaskuntzak eta zailtasunak partekatuko dira, eta hurrengo erronkak zehaztuko dira. IKASEKIN Pertsonak Iraurgi Berritzen en koordinaziopean eta Ainhoa Zatarain en dinamizazioarekin garatzen da, enpresa bakoitzaren errealitatetik abiatuta eta enpresen arteko ikaskuntza sustatuz.
