Zapatu goizean, 10:00etatik 14:00etara, pilota zaleek hitzordua dute Izarraitz pilotalekuan. Bertan, Gipuzkoako Euskal Pilota Egokituko XVI. Txapelketaren jardunaldia ospatuko da, adimen urritasuna duten pertsonentzako binakako tenis paleta modalitatean.
Guztira, bederatzi partida ofizial eta bi lagunarteko jokatuko dira Azpeitiko frontoi luzean. Parte hartzaileen artean, Unax Gurrutxaga azpeitiarra ere izango da, Zumaia PE taldeko kide gisa.
Jardunaldian zehar, hainbat talde eta pilotari lehiatuko dira, hala nola Mindara, Zarautz KE, GKEF-Antzuola, GKEF-Ataun eta Zumaia PE. Partida guztiak goizeko ordutegian izango dira, kirol egokituaren garrantzia azpimarratuz.
