Azpeitia ko kaleak erraldoiek hartu dituzte gaur goizean, Umeen Eguna ospatzeko. Saninazio jaien atarian, 22 konpartsa bildu dira herrian, eta plazan dantza txapelketa egin dute. Ekitaldiak giro paregabea sortu du herrian.
Banakako dantzetan, Barañaingo Ezpelur konpartsa izan da garaile, 300 euroko saria eskuratuz. Taldekako saioan, berriz, Iruñako Alde Zaharra nagusitu da, 600 euroko ordainsariarekin. Epaimahaia Juan Carlos del Pozok (Azpeitiko Argazki Elkartea), Amaia Aranagak (Itsasi dantza taldea) eta Mari Jose Bikendik (Juan Antxieta musika eskola) osatu dute.
Sari banaketaren ondoren, erraldoiek kalejiran jarraitu dute Alde Zaharrean zehar, herria San Inazio festetarako giroarekin betez. Asteburua ekitaldiz betea izan da Azpeitian, larunbatean Sagardo eta Gazta lehiaketak eta errekortari txapelketa izan zirelarik.
Umeen Egunean ere ekitaldi ugari izan dira, hala nola, herriko haur eta gaztetxoentzako bazkaria, jolasak, txirrindulari eta artzain zakur lehiaketak. Festa Batzordeak izango dira protagonista ostegunean, San Inazio jaiei hasiera emango dieten txupinazoan.
