Dokumentu estrategiko honek Getaria ren garapena gidatuko du datozen urteetan, 2045 era begira, herria hobeto konektatua, jasangarriagoa eta bizigarriagoa bihurtzeko helburuarekin. Diagnostiko sozio-urbanistikoa osatu ondoren, aurkeztutako aurrerapenak herriaren etorkizunerako oinarriak ezartzen ditu.
Aurrerapenak gaur egungo erronka nagusiak jorratzen ditu, hala nola mugikortasuna hobetzea, espazio publikoen kalitatea handitzea eta etxebizitza eskaintza egokitzea. Proposamenen artean, espazio publikoen berrantolaketa, irisgarritasuna hobetzeko neurriak eta eguneroko bizitza erraztuko duten azpiegitura berriak nabarmentzen dira.
Dokumentua jada Gipuzkoako Aldizkari Ofizialean (GAO) argitaratu da, eta horren ondorioz, herritarrek ekarpenak eta iradokizunak aurkezteko epea ireki da ekainaren 8ra arte. Aurkeztutako aurrerapena eztabaidarako dokumentua da, eta jasotako ekarpenekin aberastea du helburu.
Parte-hartzea sustatzeko, Udalak hainbat informazio- eta parte-hartze ekintza antolatu ditu. Horrela, herritarrei zuzendutako aurkezpen ireki bat egingo da maiatzaren 5ean, 18:30ean, Zarautz Jauregian, plana gertutik ezagutzeko eta iritzia emateko aukera eskainiz. Gainera, maiatzean zehar udaletxeko sarreran planoak eta dokumentazioa ikusgai egongo dira, eta interesa duten herritarrek dokumentua udalaren webgunean deskargatu edo udaletxean bertan kontsultatu ahal izango dute.
Herritarren parte-hartzea funtsezkoa izango da planaren garapenean, eta ekarpenak egitea ezinbestekoa da Getariaren etorkizuna elkarrekin eraikitzeko.
