Eusko Jaurlaritzako Mugikortasun Iraunkorreko sailaren menpeko sozietate publikoak, Euskotrenek, gaueko trenen zerbitzu berezia eskainiko du abuztuaren 22tik 23rako gauean, Zarauzko Aste Nagusia dela eta. Neurri honek bertaratzen direnen joan-etorriak erraztea du helburu.
Tren berezi hauek Zumaia eta Amara (Donostia) artean ibiliko dira, bi noranzkoetan. Zirkulazio berezi hauek ohiko zerbitzua osatuko dute larunbat gauetan.
Euskotrenek bidaiariei gomendatzen die ordutegiak aldez aurretik kontsultatzeko. Informazio hau APP ofizialean zein www.euskotren.eus webgunearen bilatzailean aurki daiteke.
Gainera, informazio gehiago eskuratzeko, 944 333 333 telefono-zenbakia eta Euskotreneko langileek zerbitzatzen dituzten geltokiak ere erabilgarri daude.
