IAZ sortutako MIN taldeak bere lehen estudioko lana argitaratu du martxoan, euskal musikari soinu geruza berri bat erantsiz. Taldeak rock psikodelikoaren atmosferak eta grunge estiloaren gordintasuna uztartzen ditu lan berrian, bidaia sentsorial bat proposatuz.
Bederatzi abestiz osatutako diskoak barne-minak, isolamendua eta unibertsoaren zabaltasuna jorratzen ditu, distortsio sakonetan eta melodia hipnotikoetan oinarrituz. Lan hau kaleratu aurretik, taldeak Haizea dabil abestiaren bideoklipa plazaratu zuen, eta orain, Denbora Kapsulan abestiaren bideoklipa aurkeztu du publikoki.
Diskoak barne-minak, isolamendua eta unibertsoaren zabaltasuna jorratzen ditu, distortsio sakonetan eta melodia hipnotikoetan oinarrituz.
Taldea ondorengo bost kideek osatzen dute: Maite Martiarena (Perlak) abeslari eta teklatu jotzailea, Suharri Aranburu (Trini Fox) abeslaria, Ibon Telleria (Ankhar) baxu jotzailea, Jon Sarasketa (The Grace of Dionysus) bateria jotzailea eta Ion Brakamonte (Voltaia) gitarrista.
