Donostia Arraun Lagunak-ek Euskotren ligan jokatutako bost banderetatik bostak irabazi ditu. Asteburukoak dira horren eredu: larunbatean Castro ko itsas eremu zakarrari aurre egin zioten, eta Arraun izan zen ondoen moldatu zena, alde nabarmena ateraz San Juan eta Orio ri. Igandean, berriz, Orioko bandera lehiatua jokatu zuten zortzi traineruek, eta Lugañenea ontziak ez zuen hutsik egin, Tolosaldea, San Juan eta Orio etxeko taldea gaindituta.
Sailkapen nagusian, Arraun-ek are gehiago sendotu du lidergoa, 40 punturekin. Bigarren sailkatuak, Tolosaldea k, hamaika puntu gutxiago ditu.
Bestalde, Donostiarra ko neskek bosgarren denborarik onena egin zuten Orioko estropadan, ohorezko postuetatik gertu geratuz. Castro koan, berriz, zazpigarren tokian bukatu zuten.
Eusko Label ligan, Donostiarra ko mutilek txanponaren bi aldeak bizi izan zituzten asteburuan. Castro ko estropada zailean, zazpigarren postuan bukatu zuten, Urdaibai k irabazitako banderan. Orion, ordea, askoz hobeto aritu ziren, eta etxeko taldearen atzetik bigarren tokian geratu ziren.
Sailkapen nagusian, Donostiarra ko mutilak bosgarren tokian daude 40 punturekin, Hondarribia rekin berdinduta. Orio liderrak 56 puntu ditu.
