Carmen Unanue Irureta, "Pattana" ezizenaz ezaguna, 1926ko abuztuaren 25ean jaio zen eta gaur ospatzen ari da bere 100. urtebetetzea familia osoaren konpainian. Etxekoentzat ilusioz eta emozioz beteriko eguna da, eta adierazi dutenez, "Pila bat maite dugu eta oso pozik gaude gaur".
Carmenek lan ugari egin du bere bizitzan. Gaztetan familiako torloju enpresan aritu zen eta erreportzaketan ere lan egin zuen. Ondoren, ikastolako dantzarientzat jantziak josten aritu zen, bere senarra, Julen Sagarzazu "Julen Txiki", dantza munduari lotua baitzegoen. Carmen 2011n alargundu zen.
Bikoteak lau seme-alaba izan zituen: Mailu, Ina, Belen eta Javier. Azken hau, Realeko harrobiko jokalari ohia da. Tamalez, Javier hil egin zen.
Gaurko eguna Sagarzazu-Unanuetarren etxean zoriontsua da, eta Azkoitiko Udalak omenaldi txiki bat eskaini nahi izan dio Carmeni herriaren izenean. Sonia Vazquez eta Marijose Arregi zinegotziak berarekin bildu dira zoriontzeko eta oroigarri bat eta lore-sorta bat emateko.
