Bermeok erlojuaren aurkako proban erakutsitako nagusitasunak garaipena eman dio Bilboko estropadan. 19:56,2ko denborarekin, Oriok baino lau segundo gutxiago behar izan dituzte ibilbidea osatzeko. Emaitza honekin, Oriok ligako lidergoari eusten dio 23 punturekin, nahiz eta Bermeo eta Zierbena gertu dituen, 21 punturekin.
Emakumezkoen Euskotren ligan, Arraun Lagunak taldeak bere nagusitasuna berretsi du Bilboko VII. Banderan. Donostiarrek bosgarren urtez jarraian irabazi dute estropada hau, 10:49,72ko denbora eginez. Orio laugarren postuan sailkatu da, eta sailkapen nagusian bigarren postuari eusten dio 12 punturekin.
Bestalde, KAE 1 ligako laugarren jardunaldia jokatu da Donibane Ziburuko 34. Estropadan. Deustuk lortu du garaipena, Zumaia eta Zarautz atzetik zituela. Orio hamaikagarren postuan geratu da, eta sailkapenaren behealdean jarraitzen du zazpi punturekin.
