Antolatzaileek gaur, ostirala, Azpeitiko Azoka Plazan hasi dute dortsalen eta beharrezko materialaren banaketa. Arratsaldeko 17:30ean ireki dituzte ateak, eta ilarak sortu dira lehen orduetan. Banaketa 20:00ak arte egongo da zabalik gaur, baina bihar ere jaso ahal izango dira dortsalak, goizeko 06:00etatik aurrera.
Proba luzeko (40 MLK) parte-hartzaileek 07:30era arte izango dute dortsala jasotzeko aukera, eta proba motzeko (15 MLK) korrikalariek, berriz, 08:30era arte. Antolatzaileek adierazi dutenez, dena ondo doa eta prest dago biharko hitzordu handirako.
Lasterketez gain, Azpeitiak askotariko ekitaldiak hartuko ditu bihar. Goizeko 08:00etan hasiko da 40 kilometroko proba, 580 korrikalarirekin, eta ordubete geroago, 09:00etan, 26 kilometroko proba abiatuko da, 450 parte-hartzailekin. Sari banaketa 20:15ean izango da, eta ondoren elektrotxaranga eta kontzertuak izango dira.
“"Guztia erritmo onean doala adierazi dute antolatzaileek, eta dena prest dutela biharko hitzordu handirako."
Gainera, Gune Urdina Ikasberrin sentsibilizazio jolasak, puzgarriak eta jolas inklusiboak eskainiko dira Reala Fundazioaren eskutik. Xoxoteko aterpetxean, berriz, paella dastatzeko aukera izango da eguerdian.
