Parrokiko Abesbatzak eta Iraurgi Abesbatzak Ignacio Busca Sagastizabalen Salbea eta Aita Nemesio Otañoren Ave María interpretatu dituzte. Lehenak zazpi ahots erabili ditu eta bigarrenak bost, Carlos Muñozen zuzendaritzapean. Organoaren doinuez Jose Luis Frantzesena arduratu da.
Musika emanaldiak elizan nagusitu den isiltasunarekin uztartu dira, eta bertaratutakoek gogotsu txalotu dute ekitaldia. Andra Mari bezperako hitzordu hau askorentzat berezia da, bereziki bere izaera solemne eta hunkigarriagatik.
Udal ordezkariak ere izan dira bertan. Ohi legez, Juan Bautista Mendizabal ek Azkoitiko bandera eraman du segizioan, eta alkate Ana Azkoitia k aginte-makila eskuetan zuela egin du udaletxetik parrokira arteko ibilbidea, Txalkor Txistulari Taldea ren laguntzarekin.
