Azkoitiko Gaztetxeak hartuko du aurten Gaztetxeak Bertsotan egitasmoaren finala. Txapelketa honek gaztetxeak indartzeko eta bertsoaren bidez gazteen kezkak plazaratzeko helburua du. Aurtengo edizioan 24 bertsolarik parte hartu dute bikoteka, eta finalerako hiru bikote sailkatu dira.
Antolatzaileek nabarmendu dutenez, finala ez da soilik lehiaketa bat izango, baizik eta gaztetxeen aldeko aldarria egiteko gunea. Azkenaldian zenbait gaztetxek jasandako itxierak direla eta, proiektu honek espazio horien garrantzia azpimarratu nahi du. Finala Azkoitiko Gaztetxean jokatuko da, eta publikoak izango du irabazleak erabakitzeko ardura.
“"Belaunaldiez haragoko proiektua da gaztetxeena, eta hori islatu nahi dugu finalaren egunean."
Larunbateko egitaraua 14:30ean hasiko da bazkari batekin. Ondoren, 16:30ean Berun musika taldearen kontzertua izango da. 18:00etan bertso poteoa egingo dute herriko tabernetan zehar, eta 20:30ean jokatuko da finala. Eguna amaitzeko, Ameba eta Sekule taldeen kontzertuak izango dira Zurt tabernan.
