Bizi ohitura osasuntsuak eta iraunkorrak bultzatzeko helburuarekin, Gorlizko Udalak bi diru-laguntza lerro abiarazi ditu 2026rako. Alde batetik, Baratze Ekologikoak izenekoen erabilera alokatzeko laguntzak eskainiko dira, aisialdirako alternatiba aberasgarriak eta praktikoagoak sustatuz eta bizi-ohitura jasangarriak bultzatuz.
Bestalde, Sopelako udal igerilekuan egiteko igeriketa ikastaroetarako laguntzak ere bultzatuko dira. Laguntza hauen helburua Sopelan erroldatutako pertsonentzako eta udalerrian bizi ez direnentzako tarifaren arteko aldea konpentsatzea da, kirola sustatzeko eta herritarrak aktibo egotera animatzeko Udalaren konpromisoa indartuz.
Igeriketa ikastaroetarako eskaerak 2026ko abenduaren 14ra arte egongo dira zabalik. Baratze ekologikoak erabiltzeko laguntzen kasuan, aurkezteko epea 2026eko abenduaren 4an amaituko da.
Diru-laguntza hauek Gorlizen erroldatutako pertsonei zuzenduta daude. Igeriketa ikastaroetarako, eskatzaileek 18 urtetik beherakoak, 65 urtetik gorakoak edo gutxienez lau hilabetez jarraian langabezian egondako langabeak izan beharko dute. Baratzeen laguntzetarako, familia-unitateko eskaera bakarra aurkeztu ahal izango da.
