Akordio honek Tolosaldea eta Gipuzkoako beste 87 udalerri ordezkatzen dituzten garapen-agentziei laguntza teknikoa eta tresna espezializatuak eskainiko dizkie. Helburua da energia berriztagarrien ezarpena sustatzea, aurrezpena eta efizientzia energetikoa bultzatzea, eta pobrezia energetikoa prebenitzea eta zuzentzea.
Akordioak bi urteko indarraldia izango du, eta horrek egonkortasun handiagoa emango die agentziei proiektu estrategikoak planifikatu eta garatzeko. Urtero, agentzia bakoitzak 60.000 euro jasoko ditu, guztira 1,2 milioi euroko inbertsioa eginez.
“"Hitzarmen horiekin egonkortasuna ematen diogu eskualdeen energia-plangintzari, eta hurbiltasunean, erakundeen arteko lankidetzan eta pertsonekiko konpromisoan oinarritutako trantsizio energetikoko eredu bat indartzen dugu. Trantsizio energetikoa lurraldetik eraikitzen da, tokiko errealitate bakoitzera egokitutako irtenbideekin."
Akordioaren barruan, agentziek hainbat lan ildo komun landuko dituzte, hala nola udalekin elkarrizketa teknikoa izatea, eskualdeko energia-plangintza bultzatzea eta Energiaren Eskualdeko Mahaiak dinamizatzea. Horrez gain, eskualde bakoitzak bere errealitateari egokitutako proiektu zehatzak garatuko ditu. Tolosaldeak, adibidez, energia-efizientziako, mugikortasun jasangarriko, energia berriztagarrietako eta herritarren sentsibilizazioko jarduerak bultzatzen jarraituko du.
