Herritar ugari gerturatu da Tolosa ko Trianguloan antolatu den lore eta landare azoka berezira, beren gustukoenak aukeratzeko. Bertan, landare adituak, Jakoba Errekondo k, lorezainen zalantzak argitu ditu zuzeneko kontsultategian. Tomateak noiz landatu, ureztaketa egokia, lurzoruaren txandakatzea eta beste hainbat gairi buruzko argibideak eskaini ditu.

Azokak zazpi postu izan ditu, lore eta landareez gain, produktu natural ugari eskainiz. Guillen, Ortuberri, Ines Flores, Murueta, eta Iñigo Azpiazuk lore eta landareak eskaini dituzte. Horrez gain, Carolina Peñosek olio, ukendu eta xaboi naturalak aurkeztu ditu, eta Alba de la Florrek lore naturalez egindako bitxiak.