Legazpi ko talde sozialistak kezka handia agertu du udalerrian etxebizitza eskuratzeko dauden zailtasunen aurrean, bereziki gazteen artean emantzipazioan eta etxebizitza duina lortzean eragiten dieten oztopoengatik.
Horri aurre egiteko, eta "arazo hori arintzeko konpromisoari eutsiz", alderdiak proposatu du paper fabrika zaharreko aparkalekuaren lursailean, udalak duela gutxi erositakoan, etxebizitza babestua eraikitzea.
Horri aurre egiteko, eta "arazo hori arintzeko konpromisoari eutsiz", alderdiak proposatu du paper fabrika zaharreko aparkalekuaren lursailean, udalak duela gutxi erositakoan, etxebizitza babestua eraikitzea.
PSE-EErentzat, "aukera estrategikoa" da hori, "bereziki gazteei erantzuteko, Legazpin beren bizi proiektua garatu ahal izan dezaten, etxebizitza duin eta kalitatezkoekin". Sozialistek adierazi dutenez, "ezin dugu onartu gure udalerriko talentua eta etorkizuna joatera behartuta egotea, eskaintza publikorik ez dagoelako".
Proposamenaren helburua ez da soilik etxebizitza kopurua handitzea, baizik eta "kudeaketa publikoko eta alokairu eskuragarriko eredu baten arabera egitea, berreskuratutako lurzorua zuzenean ongizate sozialera itzultzea bermatuz".
Ezin dugu onartu gure udalerriko talentua eta etorkizuna joatera behartuta egotea, eskaintza publikorik ez dagoelako.
Denis Itxaso Etxebizitza eta Hiri Agendaren sailburuak, bere aldetik, defendatu zuen etxebizitzen merkatuaren egoerari eraginkortasunez erantzuteko, alor horretako politikek bi abiaduratan jokatu behar dutela: batetik, "egiturazko eta epe ertain eta luzeko neurriekin, etxebizitzarako sarbidea modu sakonean eraldatzera" bideratu behar dira politikak; eta bestetik, "etxean sartzeko zailtasun handienak dituzten pertsonei eta kolektiboei berehalako erantzunak emateko gai diren premiazko jarduerak" aktibatu behar dira.
Sailburuak adierazi zuen Eusko Jaurlaritza erreformak eta neurriak bultzatzen ari dela hirigintza epeak murrizteko eta etxebizitzen eraikuntza bizkortzeko administrazio izapideak arintzeko. Horrez gain, "lurzoru-erreserba handia" sortzen ari dela eta Etxebizitzaren aldeko Gizarte Funtsaren bidez finantzaketa publiko-pribatua indartzen ari dela azaldu zuen. Era berean, "eraginkortasuna hobetzeko eta eraikuntza-sektorearen erritmoa handitzeko" eraikuntza industrializatuaren aldeko apustua eta udalekin akordioak areagotzen ari direla azpimarratu zuen.
PSE-EEk "etxebizitza eskuratzeko erraztasunak emango dituzten politika publikoak bultzatzeko lanean jarraitzeko konpromisoa berretsi du, batez ere gazteen artean".
