Hodei Arrastoak taldeak San Vito audiogida aurkeztuko du igande honetan, Zizurkil-en, Maiatzak Saltsan ekimenaren baitan. Parte hartzea doakoa izango da, baina antolatzaileek aldez aurretik izena emateko eskatu dute, aurreikuspenak egin ahal izateko. Horretarako, [bulegoa@zizurkil.eus ] helbidera idatzi edo udal bulegoetan eman beharko da izena.
Francesc Cuellarren proiektuan oinarrituta, Arrastoak taldeak bi audiogida prestatu ditu: bata Herrigunerako (San Bittor) eta bestea Elbarrenarako (Santa Vitoria). Bi ibilbideak independenteak dira, baina elkarren osagarri gisa ere erabili ahal izango dira.
Parte hartzaileek beren mugikorra eta entzungailuak eraman beharko dituzte, QR kodeak irakurri eta audiogida jarraitzeko. Esperientzia Iraitz Lizarraga eta Kepa Errasti aktoreen ahotsekin osatuko da, errealitatea eta fikzioa uztartuz.
Aurkezpen ofiziala igandean izango da. Herriguneko saioa 11:00etan hasiko da Udaletxe tik, San Bittor audiogida egiteko. Ondoren, 12:30ean, Elbarrenara joango dira, eta Joxe Arregi plaza tik abiatuta egingo dute Santa Vitoria audiogida.
