Amezketako Udalak bere haurreskolaren edukiera bikoiztu baino gehiago handitu du, 10 plazatik 21era igaroz. Neurri honek 2025ean herrian izan zen jaiotza-tasa altuari erantzuten dio, eta familien beharrei aurre egiteko konpromisoa berresten du.
Orain arte, haurreskolak 0-1 eta 1-2 urte bitarteko haurrentzat zituen 10 plaza. Behar horri erantzuteko, udalaren erabakiz, ondoko lokala erosi eta egokitu da, espazioa handituz eta plaza kopurua nabarmen igoz.
Lan eta izapide guztiak burutu ondoren, Hezkuntza Sailak espazio eta antolaketa berriari baimena eman dio. Horrela, 2026-2027 ikasturtetik aurrera, haurreskolak 0-1 urteko 8 ikaspostuko unitate bat eta 1-2 urteko 13 ikaspostuko beste unitate bat izango ditu, guztira 21 plaza.
Udaletik adierazi dutenez, 2025eko jaiotza-tasa altuak antzeman zuen behar bati konponbidea emateko inbertsioa egin da. Helburua da herrian bizi, hazi eta etorkizuna eraikitzeko baldintza hobeak sortzea Amezketako familientzat.
