Epaimahai batek, Borja Arrizurieta Colomo, Javier Ortiz Moreno eta Arbil Iciar Manterola kideek osatua, aho batez erabaki du sarituen zerrenda aurkeztutako lan guztiak aztertu ondoren.
Gai libreko atalean, Jose Agustin Gurrutxaga Garagartza k eskuratu du lehen saria Sun and shadows lanarekin; bigarrena, Jose Ramon Luna de la Ossa rentzat izan da Raíces lanarekin; eta hirugarrena, Agustin Aizpurua Arozena rentzat Huellas en el olvido lanarekin.
Bestalde, Tolosaldeko Txapeldunaren saria Josema Dieguez Rodriguez ek jaso du, Itsasoa ta egurra I-IV lanagatik. Bertako sarietan, berriz, Andoni Lizeaga Lasa izan da irabazle lehen postuan Bide zaila lanarekin, Ruben Cáceres Delgado bigarren Aterrizaje controlado lanarekin, eta Nerea Maillo Carpintero hirugarren La mirada del picapinos lanarekin.
Azkenik, Argizaiola sarirako sailkatutako argazkilariak Jose Agustin Gurrutxaga Garagartz, Agustin Aizpurua Arozena eta Oscar Manso Navas izan dira.
Antolatzaileek adierazi dutenez, parte-hartzaile kopurua iazkoarekin alderatuta handitu bada ere —aurten 179 lagunek parte hartu dute—, datuak oraindik ez dira nahi bezain onak. Tolosaldeko sailean 23 lagunek hartu dute parte, eta generoari dagokionez desoreka nabarmena izan da: parte-hartzaileen %20 emakumeak izan dira eta %80 gizonezkoak. Gainera, emakumeen parte-hartzea iazkoarekin alderatuta jaitsi egin dela azaldu dute.
“"Emakume argazkilari profesionalak badaude, baina ematen du lehiaketetan parte hartzea gehiago kostatzen zaiela."
Hori dela eta, datozen edizioetan emakumeen presentzia handitzeko bideak aztertzeko beharra azpimarratu du Elena Marquezek. Bestalde, argazkilaritzako gazteen parte-hartzea ere oso urria izan dela nabarmendu dute. Horren harira, antolatzaileek gazteak lehiaketara erakartzeko proposamen eta ideia berriak jasotzeko prest daudela adierazi dute, datorren urteko edizioari begira.
Sari banaketarekin amaiera eman zaio, beraz, Tolosa Herria 2026 Argazki Lehiaketa ren aurtengo edizioari; argazkilaritzaren kalitatea agerian utzi duen edizioa izan da, baina baita parte-hartzea handitzeko erronkak mahai gainean utzi dituena ere.
