Gomazko paletan, Alegia k etxean jokatu du joaneko jardunaldia Tolosa ren aurka, baina tolosarrak izan dira abantaila hartu dutenak. Kantxa osoan, Laamirni tolosarrak Zabala alegiarra garaitu du 10-20. Binakakoan, berriz, G. Altuna eta Sanchez alegiarrek 20-13 irabazi zieten Arriola eta Etxeberria tolosarrei. Zazpi koadroetan, Arregi tolosarrak 8-20 irabazi dio A. Altuna alegiarrari.

Anoeta eta Andoain arteko lehia ere nabarmendu da gomazko paletan. Etxean jokatutako joaneko jardunaldiaren ostean, Anoetak 2-1 galtzen du oraingoz. Banakakoan, Alain Luixa anoetarrak 4-20 galdu du Loidi ren aurka. Binakakoan, Iraola eta Leunda anoetarrek 16-20 galdu dute. Hala ere, zazpi koadroetan, Aratz Luixa anoetarrak 20-13 irabazi dio bere aurkariari.

Eskuzko modalitatean, Aduna k ezin izan du aurretik jarri Zaldibia ren aurka. Kanpoan jokatu dute joaneko jardunaldia, eta 2-1 galtzen ari dira. Kadete mailan lortu dute garaipena adunarrek, Barriola eta Iparragirre k, 20-22 emaitzarekin. Jubeniletan, Aburuza eta P. Cestau bikoteak 22-2 galdu du. Nagusietan ere galdu egin dute adunarrek, J. Cestau eta Olasagasti k, baina markagailu estuagoarekin: 22-17.