Udako oporren atarian, Azpeitiko KZguneak prest du uztaileko ikastaroen eskaintza. Guztira zazpi ikastaro emango dira, guztiak aurrez aurreko formatuan Enparan dorretxeko egoitzan. Horietatik sei saio euskaraz izango dira.

Euskaraz eskainiko diren ikastaroen artean, hauek dira aurreikusitakoak: 'Gaitasun digitalak smartphonen eta tableten oinarrizko erabilerarako' (10 ordu, uztailaren 6tik 10era), 'Atera argazkiak une bakoitzerako zure smartphonearekin' (4 ordu, uztailaren 13an eta 14an), 'Google maps. Zure ibilbiderik onena arakatu eta aukeratu' (4 ordu, uztailaren 1ean eta 2an), 'Bizitza aktiboa izan Google Fit eta Wikilocekin' (2 ordu, uztailaren 3an), 'Gmail. Posta elektronikoa baino gehiago' (4 ordu, uztailaren 15ean eta 17an) eta 'Facebook zure smartphonean' (6 ordu, uztailaren 27tik 29ra).

Ikastaroetan izena emateko hainbat aukera daude. KZgunera bertara joanda hitzordua eskatuta (943-02 36 20 telefono zenbakira deituta), telefonoz deituta (erabiltzaile izatea derrigorrezkoa da) edo KZgunearen webgunearen bitartez telematikoki egin daiteke.

Izena emateko laguntza behar dutenek bideotutorialak kontsulta ditzakete. Azpeitiko KZgunea Enparan dorretxean dago eta astelehenetik ostiralera dago zabalik, 09:00etatik 13:00etara.