Txapelketan bi sail desberdin jokatu dira: emakumezkoek 50na metro koadroko bi sail ebaki behar izan dituzte, eta gizonezkoek, berriz, 100na metro koadroko beste bi sail.
Emakumezkoen sailkapenean, Izadi Arrospide leaburuarrari (4.18) nagusitu zaio, Inge Goikoetxea (5.31) eta Lorea Zunzunegi (5.53) gazteluarren aurretik. Txapeldun berriak hemezortzi urte ditu, eta bigarren eta hirugarren sailkatuak, berriz, 17 eta 16 urtekoak dira.
Gizonezkoetan, Julen Gabirondo urnietarrak (4.12) eskuratu du garaipena, Mikel Lizartza (4.32), Oier Urkola (4.45), Jokin Etxeberria (4.53), Kepa Otegi (4.55), Amaiur Arrospide (5.09) eta Eneko Bilbao (9.46) gaindituz.
“"Bizkaian ez dute Azkartasuneko sega txapelketarik egiten, eta horregatik, gonbidatu gisa parte hartu du Eneko Bilbao zamudioarrak. Azkeneko tokian sailkatu arren, berak jaso ditu penalizazio gutxien; bizkaitarrak ebaki ditu, beraz, sailak txukunen."
