Guztira sei final jokatuko dira Anoetan, eskualdeko hainbat herritako pilotarien artean. Topaketa bost kategoriatan banatu da, eta lehen aldiz ospatuko da finalen jaialdi osoa pilotaleku berean.
Benjamin eta alebin mailetan, bai mutiletan zein nesketan, lehia estuak espero dira. Luis Galarraga topaketako koordinatzaileak adierazi duenez, adin horietan finalak aurreikustea zaila izaten da, faboritoak egon arren partidak jokatu egin behar direlako.
Pala modalitatean, kategoria ezberdinetako pilotariek parte hartuko dute. Koordinatzailearen arabera, finaletan ohikoak diren bikoteak arituko dira, eta lehia parekatua izatea espero da.
