Arrondo auzoan kokatzen diren Amezketako lehen sektoreko hiru ustiategi handienek egunerokoan traktore eta kamioi handiek elizaren ondoko estugunea igarotzeko zailtasunak dituzte. Arazo honi irtenbidea emateko, ingeniari baten laguntzarekin azterketa egin ondoren, bidea asfaltatzea erabaki da.
Lanak hasteko dena prest dago eta datozen asteetan jarriko ditu martxan Udalak. Gainera, lan horiek aprobetxatuz, Ur Kontsortzioak Mendikoko ur deposituak sortzen dituen ur zikinak bideratzeko saneamendu-hoditeria ezarriko du.
Jarduketa hau Amezketako Udalak azken urteetan herriko lehen sektoreko ustiategien egunerokotasuna errazteko eta lan-baldintzak hobetzeko duen konpromisoan emandako beste pauso bat da.




