Xabier Barandika aurrelari gernikarra ia bost hilabeteko etenaldiaren ostean itzuliko da Mungiako frontoira ostegunean. Urtarrilaren 26an jaso zuen pilotakada bat Goitia ren eskutik ezkerreko ukalondoan, Eusko Label Winter Series eko finalerdien ligaxkako laugarren jardunaldian. Pilotakada horrek olekranoko haustura eragin zion, eta ebakuntza egin behar izan zioten.
Horrela, Barandika Jon Zabala rekin arituko da bikotean Goixerri eta Unai Lekerika ren aurka. Hurrengo ostegunean jokatuko den beste finalerdia ere maila altukoa izango da: Urreisti-Manci ren eta Erkiaga-Gorka ren artekoa.
Eraman! Jai Alai League k Master Series proba honetan ahalegin guztia jarriko du. Gizonezko zein emakumezko kategorietan izango dira partidak, bi finalerdi jardunaldi (ekainak 11 eta 18) eta finala (ekainak 25, San Pedro jaietan) formatuan. Saio guztiak 19:00etan hasiko dira.
Mungiako frontoian 17 urte ziren ez zela profesional mailako zesta punta txapelketarik jokatu. 2009ko ekainaren 29an izan zen, herriaren erdigunean dagoen kantxa berrinauguratu zen egunean. Orduan eskuz, pala eta zesta jokoan aritu ziren. Helburua etorkizunean ernatuko den hazia ereitea da.
Hala ere, Bizkaiko udalerria ez da modalitate honetara ezezaguna. Bertako eskolan jai alai atala izan zuen, eta bertan monitore izan zen Justo Iturregi, Miami-ko pilotaria eta bertako hiru profesionaletako bat, Claudio Bilbao eta José María Martínez ekin batera.
Emakumezkoen lehiari dagokionez, partiden ordenan aldaketa bat egon da. Maite Ortiz de Mendibil-Maia Goikoetxea eta Helena Barrenetxea-Eneritz Lizardi bikoteek irekiko dute osteguneko jaialdia. Bigarren kanporaketan, berriz, Elaia Gogenola eta Oaia Otaño arituko dira Ihart Arakistain eta Maialen Aldazabal en aurka.
