EAJ alderdiko ordezkariek bilera bat egin dute Euskal Ur Agentziako (URA) arduradunekin, Butroi ibaiaren inguruan azken urteotan izandako uholdeek Gatikako azpiegituretan eta tokiko ekonomian duten eragina aztertzeko.
Jeltzaleek nabarmendu dutenez, beharrezkoa da erakundeen arteko koordinazio estua eta lidergoa, udalerriak pairatzen duen konplexutasun hidrologikoari aurre egiteko. Ildo horretan, oposizioan egon arren, lanean jarraituko dutela berretsi dute, herritarren interesak defendatzeko eta irtenbide eraginkorrak bilatzeko.
Bestalde, Gatikako udal gobernuaren jarrera kritikatu dute, arazo honen aurrean erakutsitako pasibotasuna leporatuz. Alderdi jeltzalearen ustez, ezinbestekoa da udal gobernuak inplikazio handiagoa izatea eta beste erakundeekin elkarlanean aritzea, Gatika bazterrean gera ez dadin.
