Joan den urteko Tecnofest Dulantzi jaialdiaren esperientzian oinarrituta, antolatzaileek proposamen "anbiziotsuagoa eta publiko guztientzako irekia" aurkezten dute. Jaialdiak musika, giroa eta gazteen kultura uztartuko ditu espazio anitz eta irisgarri batean.

Etxeko zein nazioarteko artisten proposamenak bilduko ditu kartelak, estilo musikal ugari jorratuz eta euskarazko programazioa ziurtatuz. Ostiralean, Malko, El Show de la Polaka, The Artichokes eta Idoitz arituko dira; larunbatean, berriz, Annekdotas, Katana, Oier Mendizabal, Reibax, Gorka Perez eta Blessive igoko dira agertokira.

Jaialdia bi egunetan banatuko da: ostirala familia giroan murgiltzeko izango da, eta larunbata, berriz, gazteei zuzendutako proposamen elektroniko, urbano eta alternatiboekin osatuko da.

Antolakuntzak doako autobus zerbitzua ere eskainiko du Vitoria-Gasteiz tik joan-etorrirako, jaialdira iristea errazteko eta mugikortasun segurua sustatzeko.