Sari banaketa ekitaldia larunbatean, hilak 16, eguerdiko biak aldera izango da, alde zaharreko arrantzaleen kofradia zaharreko balkoian, antxoari eskainitako jaialdiaren baitan.
“"Gizarte osoarentzat oso garrantzitsua den eta askotan isilean egiten den lana herritarren artean ikusaraztea bilatzen dugu."
Udalak adierazi duenez, “beharrezkoa eta bereziki baliotsua da azpimarratzea eta zabaltzea Ondarroa n zientzialari aitzindari bat dugula, guztion osasuna eta bizitza hobetzeko lan egiten duena”.
Gaur egun, saritua EHU ko Kultura Zientifikoko Katedraren zuzendaria da, duela hamabost urte sortu zen erakundea “espazio publikoan kultura zientifikoa bultzatzeko eta ikusarazteko”. Biologoak esperientzia zabala du ikerketan zein dibulgazioan, 28 artikulu zientifiko eta lau liburu argitaratu baititu.
2006 an ikertzaile gazte onenaren saria jaso zuen eta 2019 an Galiziako Errege Akademia ren Ernesto Viéitez saria irabazi zuen, gibeleko metastasiaren aurkako terapia bat garatzeagatik. Atzerriko unibertsitateetan egonaldiak egin ditu, hala nola Kopenhage ko eta Toronto ko unibertsitateetan, eta bi enpresa bioteknologikoren sorreran parte hartu du. Era berean, minbiziaren aurkako ikerketa lanarekin eta EHU ko Medikuntza eta Erizaintza Fakultateko irakasle gisa duen irakaskuntza lanarekin batera, dibulgazio lanetan ere aritzen da.
