Sopelako Udalak, alkate Guruzne Carrasson eta Kirolsailetza Itziar Lazaro buru direla, Sopela Pala ProAm txapelketaren bigarren edizioa aurkeztu du ofizialki. Ekitaldian izan ziren baita ere Kurune, Sopelako pilotako klubaren arduraduna, eta txapelketan parte hartuko duten palista batzuk.
Edizio berri honek autokudeaketan oinarritutako etapa berri bat hasten du. Txapelketak formatu berezi eta berritzailea du: bikoteka jokatzen den arren, ez dago bikote finkorik. Hau da, konbinazioak egunero aldatuko dira aurrelari guztiak atzelari guztiekin jokatu arte. Partidak 3 setera jokatuko dira (lehen biak 15 puntura eta hirugarrena, beharrezkoa izanez gero, 10 puntura). Ligaxka amaitutakoan, aurrelariak eta atzelariak sailkapenaren arabera nahastuko dira finalerdiak eta final handia jokatzeko.
Partida guztiak Sopelan jokatuko dira, 19:30etik aurrera. Jaialdi bakoitzak bi partida izango ditu. Lehen jardunaldia azaroaren 16an izango da eta final handia abenduaren 14an izango da, 19:30ean.
Lehen jardunaldiko bikoteak gaur bertan egin da zozketa, honela geratu dira duelak: Lehen partida: Iñaki Urrutia eta Román Maldonado vs. Asier del Rio eta Pablo Fuster. Bigarren partida: Ibai Perez eta Esteban Gaubeka vs. Iker Gordon eta Jagoba Madariaga.
Antolatzaileek gogorarazten dute dagoeneko salgai daudela sarrerak eta bonoak. Era berean, parte hartzea sustatzeko, Udalak bi sarrera bikoitz zozkatuko ditu bere sare sozialen bidez.
“"Sopelarentzat ohore handia da goi mailako palistak gertutik ikusteko aukera izatea. Munduko txapelketan parte hartu eta domina garrantzitsuak irabazi dituzten kirolariak lehiatuko dira. Ez bakarrik txapelketa hau aurrera ateratzeagatik, baizik eta urte osoan zehar pilotaren eta Sopelaren alde egiten duten lan izugarriagatik. Azken finean, aisialdi osasuntsu eta aktibo bat eskaintzen digute, euskara gure hizkuntza gisa hartuta eta gure kultura eta tradizioak babestuz eta sustatuz."
