Zeberioko Udalak doako taxi zerbitzua jarriko du martxan irailaren 5eko gauean, Sandoniak jaiak direla eta. Zerbitzua Ugaotik Igorrera arteko ibilbidea egiteko erabili ahal izango da, 21:00etatik 03:00ak bitartean. Zerbitzua erabili nahi dutenek 609 610 855 telefono zenbakira deitu beharko dute erreserba egiteko.
Aurtengo Sandoniak irailaren 2tik 7ra ospatuko dira, Zubialde auzoan. Jai Batzordeak eta herriko hainbat eragilek, Udalaren babesarekin, jarduerak prestatu dituzte. Berritasun nagusien artean, Pirritx, Porrotx eta Marimototsen 'Zerua lapurtu digute' ikuskizuna izango da, etxeko txikientzat.
Egitarauak hainbat ekitaldi biltzen ditu, hala nola elektrotxarangak, txapelketa gastronomikoak, haurrentzako jolasak, eta kontzertuak Eingo taldearekin, Alarma Morearekin, EH Sukarrarekin eta Kiliki rekin. Horrez gain, jubilatuen bazkaria, esku pilota partidak eta hainbat kalejira ere izango dira.
Bestalde, Tukanon talde zeberioztarrak kontzertua eskainiko du Bilboko Aste Nagusian, abuztuaren 27an, Euskalgunean. Taldea Marina Urigoitia Aldekoak (Artea), Ibon Igartua Libaronak (Zeberio), Iban Sandonis Oleagak (Zeberio) eta Iñigo Gallastegi Zorrillak (Zeberio) osatzen dute.
Halaber, San Bartolome Eguna ospatuko da abuztuaren 24an Urizarreko auzoan, meza eta luntxa eginez. Bestetik, Upoko jaiak ere ospatu ziren uztailaren 19an, Zeberio eta Zaratamoko herritarrak elkartuz mendiko tontorrean, txuzoaren ekitaldia eta dantza erakustaldia eginez.
Azkenik, Elizondo auzoan etxe baten zati bat behera etorri zen, eta suhiltzaileek monitorizazio-sistema bat instalatu zuten. Segurtasun neurriengatik, ondoko etxebizitzan bizi diren herritarrak aldi baterako lekualdatu behar izan dituzte.
