Bilbon egindako aurkezpenean, Turismo, Merkataritza eta Kontsumoko sailburu Javier Hurtadok adierazi duenez, Ibiltur 2025 ikerketak, bi urtean behin egiten dena, Euskadiko turismo eredu "orekatua, jasangarria eta dibertsifikatua" sendotu egin dela baieztatzen du. Inkestak Euskadiko hainbat tokitako turismo-ostatuan egin dira, eta emaitzek erakusten dute bisitarien gogobetetasun maila altua dela eta batez besteko gastua ere handitu egin dela.
Azterlanak desestazionalizazioaren aurrerapena azpimarratzen du; izan ere, lehen aldiz, denboraldi baxuan sartutako bisitariak oporraldi nagusietan baino gehiago dira (%51). Sailburuak produktu berrien aldeko apustuari egotzi dio hori, hala nola ekoturismoa, bizikletaz turismoa, turismo industriala eta enogastronomia, baita nazioarteko eta segmentatutako publikoentzako kanpainei ere. Nazioarteko turismoak ere gora egiten jarraitzen du, bisitarien %48 baino gehiago baita, duela hamarkada bateko %34aren aldean.
Bisitariak Euskadiko lurraldean zehar mugitzen dira, eta batez beste 6,3 milioi joan-etorri egiten dituzte ostatu hartzen duten udalerriaz kanpo. Horrek turismoaren eragin ekonomikoa Euskadi osoan zehar banatzen laguntzen du. "Ibilturrek baieztatzen du gure bisitariak eskaintza anitza eta kalitatezkoa bilatzen dutela. Bisitari multiaaktibo bat dugu, interesatua ondare urbano eta kulturalean, baitan naturan, kostaldean, ekitaldietan edo gastronomian", azaldu du sailburuak.
Gastronomia Euskadiren bereizgarri nagusietako bat izaten jarraitzen du: %95,5ek enogastronomiarekin lotutako jarduerak egiten dituzte eta ia %98k pintxo-tabernek bisitatzen dituzte. Batez besteko gastua 626 eurokoa da bisitari bakoitzeko, eta gogobetetasun maila oso altua da: %99k positibotzat jotzen dute esperientzia eta %98k kalitate handiko helmuga jotzen dute Euskadi, bereziki gastronomia, ingurune naturala eta jasotako tratu ona nabarmenduz.
“"Euskadi turismo-estrategia jasangarri eta etikoen abangoardian dago."
Sailburuak azpimarratu du Euskadik "turismo-estrategia jasangarri eta etikoen abangoardian" dagoela eta "datuen analisian eta turismo-adimenan oinarritutako politikak garatzen jarraitzearen garrantzia" defendatu du.
