Bilboko Udalak jakinarazi duenez, datorren ostegunean, apirilaren 23an, ur-hornidura zerbitzua eten egingo da bost orduz, gutxi gorabehera, Bizkaiko hiriburuko lau gunetan. Udaletik adierazi dutenez, ur-mozketaren arrazoia udal ur-sarean egiten ari diren berritze lanak dira.
Etenaldia 16:00etatik 21:00etara bitartean izango da, eta honako kale eta zenbaki hauetan izango du eragina: Francesc Maciá kaleko 2tik 8ra bitarteko zenbaki bikoitiak, Deustuko Zubiko 1etik 13ra bitarteko zenbaki bakoitiak, Ribera Botica Vieja kaleko 1. zenbakia eta Hermanos Aguirre kaleko 1. eta 2. zenbakiak.
