Bilbon, igande goizean, dozena bat pertsona baino gehiago elkartu ziren Bizkaiko E28 Koordinadora k deituta, "kolektibo intertransmaribibolloari (pertsona intersexualak, trans, marika, bisexualak, bollerak eta bestelako disidente sexual eta generikoak) eragiten dioten indarkeria anitzak salatzeko". El Arenal zubian egin zen ekitaldia.
"Venganza Queer Frente A La Violencia" lelopean, koordinakundeak salatu du "indarkeriak ez direla gertakari isolatuak, ezta akats puntualak ere". "Ez dugu isilik geratuko. Ez dugu desagertuko", adierazi dute irakurri zuten komunikatu batean.
“"Gure mendekua ere bada existitzearen eta elkarri eustearen poza: gure sareetan, gure festetan, gure gorputzetan eta gure aliantzetan. Poza borrokalaria eta subertsiboa, asimilatu ezin dena."
Deialdi hau "herritar guztiei eta elkartasuna adierazi nahi duten kolektiboei zabalik" zegoen. Bertaratutakoek azpimarratu dute "honen aurrean, argi esaten dugu: antolatzeko ordua da. Erantzuteko ordua da. Indar kolektiboa eraikitzeko ordua da".
Halaber, "antolatzera, asanblea irekietara joatera, ahal denean gorputza jartzera, edozein modutan ere, mendeku kolektiboaren parte izatera" deitu dituzte guztiak.
