Asteazken arratsaldeko 15:30 ak aldera, pertsona bat zauritu da Trapagaranen aldamio bat erori ostean. Egitura hori futbol zelaiaren aurrean zegoen kokatuta, Miguel Ángel Gómez alkateak jakinarazi duenez.
Zorionez, ez da kalte handirik izan, zauritutako pertsonak ebaki txiki bat besterik ez baitu jasan. Gertakariaren ondorioz, inguruan aparkatuta zeuden hainbat ibilgailuk kalteak izan dituzte. Gertaera ikusgarria izan arren, inor ez da larri zauritu.
“"Udaltzaingoari eta suhiltzaileei eskerrak eman nahi dizkiet beren jardun azkarrarengatik."
Gertakariaren lekura Udaltzaingoa eta Bizkaiko Suhiltzaileak joan dira. Oraingoz, ez da ezagutzen aldamioaren erorketaren arrazoi zehatza.
