Osakidetzak Galdakaoko Ospitale Unibertsitarioa (HUGU) diagnostiko biologikoaren arloan aurreratuen artean kokatzen du, laborategiaren eraberritze integral baten bidez. Proiektu honek 16,2 milioi eurotik gora ko inbertsioa du datozen bost urteetarako, eta Bizkaiko Barneko Eskualdea eta Araba ko Aiaraldea ko 308.000 biztanleri ematen die zerbitzua.
Eguneratze honek HUGU ri ez ezik, Gernika-Lumo Ospitalea ren (HGL) proben kudeaketa ere integratzen du, baita eragin-eremuko zerbitzu soziosanitarioen eta Osasun Mentalaren jarduera ere.
Eraldaketa honen bihotza erabat automatizatutako sistema aurreratua da. Azpiegitura honek laginen kudeaketa zentralizatu eta optimizatzea ahalbidetu du, eta horrela, funtsezko helburu operatiboak lortu dira: proba guztiak (biokimika, hematologia, gernua, etab.) 24 orduz funtzionatzen duen laborategi batean integratzea, lagin bakoitzaren jarraipen osoa bermatzea, pazienteentzako beharrezko odol-bolumena murriztea, eta azalera txikiagoan jarduera-bolumen handiagoa prozesatzea.
Berritasun nabarmenetako bat hematologiako teknologia disruptiboa da, estatu mailan lehenengo bi bereizmen handiko eskaner digitalak instalatu baitira. Sistema honek adimen artifiziala erabiltzen du zelulak automatikoki sailkatzeko eta kontatzeko, eta horrek eraginkortasuna, zehaztasuna eta erantzun-denbora hobetzeaz gain, etorkizuneko osasun-profesionalen prestakuntzan ere laguntzen du.
